......>> مملكه للزيــــن<<......

يامن ملكتيني برموش عينيك
ياللي غلاك بداخلي محتويني

يامملكه للزين ربي مسويك
ياروعة الدنيا ومصدر حنيني

يابلسم المشتاق وأشواق مغليكي
اللي جمالك ساحر الروح فيني

مهما كتبت الشعر بالحب ماأوفيك
مشاعري لك بالغلا تهتويني

بالكون في وصفك ماأحدٍ يساويك
يا جوهرة حبي ويانور عيني

نبع الحلا أنتي بعيون غاليك
وحدك ملكتي القلب عندك سجيني

لك صورة بالقلب دايم أراعيك
وأضم طيفك بالحشا ياظنيني

سعادتي بالكون لاحل طاريك
وملامح اللهفات يمك تبيني

أخلصت لك من قلب بالحب شاريك
وعلى الأمل يابنت عايش سنيني